BFEnergy – Business Factory Energy – Programa de incubación, aceleración y consolidación de empresas innovadoras del sector de las energías renovables y su cadena de valor en Galicia.

Impulsando o futuro das enerxías renovables desde Galicia

Business Factory
Energy

BF ENERGY

A BUSINESS FACTORY ENERGY é un programa de incubación, aceleración e consolidación de empresas, que forma parte da Rede de Aceleradoras da Xunta de Galicia.

Busca promover o desenvolvemento de empresas innovadoras do sector das enerxías renovables e a súa cadea de valor en Galicia. Está aberta a todas as institucións, empresas e emprendedores/as con interese en consolidar neste ámbito un ecosistema de innovación aberta.

Retos da 1ª edición

Buscamos proxectos innovadores que dean resposta aos principais desafíos do sector enerxético.

Cada candidatura deberá aliñarse con, polo menos, un dos retos definidos ou co reto aberto.

01

Electrificación industrial para operar coa rede actual

Acelerar a electrificación intelixente dos procesos industriais, aproveitando os excedentes renovables locais.

02

Almacenamento e flexibilidade enerxética

Desenvolver solucións e modelos de negocio para almacenar enerxía e flexibilizar a demanda industrial.

03

Eficiencia enerxética industrial e valorización da calor residual

Implementar tecnoloxías disruptivas para reducir o consumo e aproveitar a calor residual en contornas industriais.

04

Extensión de vida, repotenciación e economía circular de activos enerxéticos

Prolongar a vida útil dos activos enerxéticos e pechar o ciclo de materiais e compoñentes, reforzando a cadea de subministración local.

05

Desenvolvemento e industrialización da eólica mariña flotante

Resolver os pescozos de botella da eólica mariña flotante e reducir o custo da enerxía, acelerando a conexión á rede e minimizando o impacto ambiental.

06

Descarbonización: gases e moléculas renovables, novos combustibles e cadea de valor do CO₂

Desenvolver e viabilizar novos vectores enerxéticos e a cadea de valor do CO₂: captura, loxística, trazabilidade e uso.

07

Reto aberto — outras iniciativas de innovación enerxética

Propostas disruptivas que non encaixen nos retos anteriores e que resolvan problemas estruturais do ecosistema enerxético galego.

Obxectivos

Promover o desenvolvemento de empresas innovadoras do sector das enerxías renovables e a súa cadea de valor en Galicia.

Promoción

Promover e consolidar proxectos innovadores dentro do sector das
enerxías renovables e a súa cadea de valor.

Innovación

Xerar un ecosistema de colaboración e innovación aberta en Galicia.

Transición

Facilitar a transición desde ideas temperás ata modelos de negocio estables, escalables e comercializables.

Fomento

Fomentar a creación de tecido industrial e emprego especializado no ámbito enerxético.

Localización e contacto

Sede: CIS Ferrol. Un espazo estratéxico para o desenvolvemento tecnolóxico e industrial.

Infraestrutura tecnolóxica de referencia
Acceso a medios técnicos especializados
Ecosistema de innovación vertical
Sinerxia con entidades tractoras
Fomento da colaboración público-privada

A quén vai dirixido?

Desde a BFE buscamos talento innovador que queira liderar a transformación enerxética, polo que o programa BFE está aberto a todos aqueles proxectos de carácter innovador pertencentes ao sector das enerxías renovables ou que conten cunha proposta de valor relacionada coa súa cadea de valor.

Poden participar emprendedores/as, EIBTs, startups, spin-outs, spin-offs ou outras empresas que presenten proxectos vinculados ás enerxías renovables, con sede en Galicia ou que estean dispostos a establecer a súa sede social ou centro de traballo en Galicia.

Cómo funciona?

Co noso ecosistema de fases o programa adáptase ao estado de madurez de cada proxecto:

Incubación (máx. 12 meses)

Incubación (máx. 12 meses)
Para ideas en fase temperá. Axudamos na validación do modelo de negocio, desde a concepción ata a elaboración do plan de empresa.

Dirixido a proxectos cunha idea de negocio cuxos promotores creen ou
se comprometan a crear unha empresa con razón social e fiscal en Galicia nun prazo determinado durante o período de incubación.

Aceleración (máx. 12 meses)

Aceleración (máx. 12 meses)
Para proxectos con Produto Mínimo Viable (PMV) ou vendas iniciais. O foco é a sistematización do modelo
de negocio, a entrada en novos mercados e a captación de clientes.

Dirixido a Sociedades xa constituídas e cun centro de traballo en Galicia, ou ben promotores que se comprometan á creación dunha empresa/centro de traballo en Galicia nun prazo determinado dentro do período de aceleración.

Consolidación (máx. 9 meses)

Para empresas con vendas reais e modelo estruturado que buscan escalar e converterse en modelos de
negocio estables.

Dirixido a Sociedades xa constituídas, con alta capacidade de crecemento, e con sede social o cun centro de traballo en Galicia.

Non se convoca na 1ª edición (2026)

Servizos

Os proxectos seleccionados recibirán, entre outros, os seguintes servizos:

Titorización e Mentorización

Acompañamento por titores xerais e mentores especializados no sector das enerxías renovables.

Proba de concepto

Orientación de empresas tractoras e mentores tecnolóxicos para validar o proxecto en escenarios reais.

Formación de alto rendemento

Capacitación en xestión, finanzas, habilidades transversais e especialización sectorial.

Networking

Sesións de exposición, visitas a empresas e relacións con axentes de interese.

Acceso a Financiamento e apoios económicos

Participación no investors day
Subvencións a fondo perdido: 25.000 € para os proxectos seleccionados nas fases de incubación e aceleración.
Financiamento a través de Xesgalicia: Nas fases de aceleración e consolidación, as empresas poden obter financiamento mediante participación en capital ou préstamos participativos de ata 50.000 € (aceleración) ou 250.000 € (consolidación), suxeito a análise de investimento e coinvestimento.

* Na 1ª edición (2026) non se convoca a modalidade de consolidación.

Cronograma

Selección

Captación:
(do 8 de setembro ao 8 de outubro de 2026 ás 14:00 h)

Presentación de candidaturas a través do formulario habilitado na web de BFE.

Startup Day:
(outubro de 2026)

Tras a fase de avaliación e entrevistas, ata 20 proxectos participarán nunha xornada de presentación e dinámicas para avaliar as competencias e habilidades dos equipos promotores. Da selección final incorporaranse ata 8 proxectos ao programa.

Estratexia

Formación grupal:
Sesións enfocadas en competencias transversais, modelos de negocio no sector enerxético e metodoloxías de innovación.

Mentorización individualizada:
Apoio personalizado por parte de expertos para definir e pulir a estratexia do negocio, analizando os puntos fortes e as áreas de mellora antes de pasar á fase operativa de aceleración.

Aceleración / Incubación / Consolidación

Incubación: Foco total na
viabilidade da idea, realización de probas de concepto e validación do modelo de negocio para acadar un plan de empresa sólido.

Aceleración: Deseño e lanzamento do Produto Mínimo Viable (PMV),
sistematización de procesos
e estratexias para a captación de clientes e entrada en novos mercados.

Consolidación: Foco na escalabilidade e estabilidade. Axilizamos a conversión do proxecto nunha empresa estable, con vendas reais e capacidade de crecemento sostible a longo prazo.